Засвар механикийн заводынхан сар бүр мэдлэгээ хуваалцана Онцлох

21 6-р сар 2019 12:00
388 удаа үзсэн

   Эрдэнэт үйлдвэрийн Засвар механикийн заводын дэргэдэх Инженерийн зөвлөл, цехийнхээ үйл ажиллагааны үр дүнг дээшлүүлэх, ажлын арга барилыг сайжруулах, харилцан туршлага солилцох зорилгоор “Мэдлэг хуваалцах өдөрлөг” үйл ажиллагааг санаачлан зохион байгуулж эхэлжээ. Сар бүр тогтмол хийх “Мэдлэг хуваалцах өдөрлөг”-өөр ЗМЗ-ын нийт инженер, техникийн ажилтнууд баг болон хуваагдаж, сурсан мэдсэнээ бусаддаа түгээдэг байна. Одоогийн байдлаар тус цехийнхэн гурван удаа мэдлэгээ хуваалцаад байгаа бөгөөд  “Аж үйлдвэржилтийн хувьсгалууд”,  “CNC  тоон удирдлагатай суурь машины ашиглалт, засвар үйлчилгээ, тусгай шаардлагууд”, “Эрдэнэт үйлдвэрийн хэмжээнд мөрдөгдөж буй оюуны өмч, инновацын дагалдах журмуудын тухай” зэрэг сэдвээр хэлэлцүүлэг хийж, харилцан мэдлэг, туршлага солилцжээ.  
   Дараагийн “Мэдлэг хуваалцах өдөрлөг”-ийг энэ сарын 26-ны өдөр “Резиний үйлдвэрлэлийн түүх, өнөөгийн байдал, техникийн шинэчлэл, технологийн дэвшил” сэдвийн хүрээнд зохион байгуулахаар төлөвлөж байна.  Өөрсдийн мэдлэгээ бусадтайгаа хуваалцаж, санаачилга зорилгоо нэгтгэн, баг болж ажиллах нь цаашдын үйл ажиллагаанд үр дүнтэй  гэж Инженерийн зөвлөлийнхөн өдөрлөгийн ач холбогдлыг онцолж байна.
   Тус зөвлөл 2019 онд үйлдвэрлэл, хөгжлийн бодлого, шинэ техник технологи, импорт орлох бүтээгдэхүүн үйлдвэрлэл, техникийн бичиг баримт, судалгаа шинжилгээ гэсэн чиглэлээр нийт 12  төрлийн ажил хийхээр төлөвлөсөн аж.

М.Балжинням

Сүүлд өөрчлөгдсөн Баасан, 21 6-р сар 2019 02:35
Үнэлэх
(1 Санал)

Мэдээний төрөл

Календарь

« 4-р сар 2020 »
Да Мя Лх Пү Ба Бя Ня
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30      

Зургийн цомог