Дуучин Д.Дагвадоржийг Эрдэнэт хотын “Хүндэт тэмдэг”-ээр шагналаа Онцлох

22 5-р сар 2019 12:00
555 удаа үзсэн

     Эрдэнэт үйлдвэрийн дэргэдэх дуу бүжгийн “Эрдэнэт” чуулгын гоцлол дуучин, МУСТА Д.Дагвадорж энэ сарын 18-20-ны өдрүүдэд ОХУ-ын Улан-Үдэ хотод болсон “Байкальский Международный конкурс-III вокалистов” буюу Дуурийн дуучдын “Байгаль нуурын олон улсын 3-р уралдаан”-д түрүүлж, ганзага дүүрэн Эрдэнэт хотдоо буцаж ирлээ. Түүнийг өнөөдөр Соёл, урлагийн цогцолборын хамт олон нь угтан авч, Их танхимын тайзан дээр хүндэтгэл үзүүлэв. Мэргэжлийн ур чадвараараа тодорч, олон орны дуучныг ардаа орхисон Д.Дагвадоржид тус цогцолборын захирал Г.Буянжаргал хамт олноо төлөөлөн баяр хүргэж, дэлхийн тайзыг эзэгнэсэн алдартай дуучин болохын ерөөлийг алд цэнхэр хадаг, мөнгөн аяганы хамтаар өргөн барьсан юм. Дуучин Д.Дагвадоржид хүндэтгэл үзүүлэх ажиллагаанд Орхон аймгийн Засаг даргын орлогч А.Түвшинжаргал оролцож, Засаг даргын шийдвэрээр Эрдэнэт хотын “Хүндэт тэмдэг”-ээр шагнаж буйг баяртайгаар дуулгав. 2010 оноос хойш өнөөг хүртэл дуу бүжгийн “Эрдэнэт” чуулгатай ажил амьдралаа холбож, уурхайчдын яруу алдар бахархлыг дуулж яваа дуучин Д.Дагвадорж энэ үеэр сэтгэгдлээ хуваалцаж, үргэлж дэмжиж тусалж байдаг Эрдэнэт үйлдвэрийн үе үеийн удирдлагууд, нийт хамт олон, багш нар, мэргэжил нэгтнүүддээ баярлаж буйгаа илэрхийлсэн юм. Дуурийн дуучдын “Байгаль нуурын олон улсын уралдаан” нь дөрвөн жилд нэг удаа зохиогдож, өндөр зэрэглэлийн дуурийн дуучдыг нэг дор цуглуулж, чадвар чансааг нь эрэмбэлдэгээрээ олон улсын томоохон тэмцээн юм.

М.Балжинням
Б.Баттөгс

     

 

Сүүлд өөрчлөгдсөн Лхагва, 22 5-р сар 2019 08:51
Үнэлэх
(4 Саналууд)

Мэдээний төрөл

Календарь

« 8-р сар 2019 »
Да Мя Лх Пү Ба Бя Ня
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Зургийн цомог