Өдрөөр ангилагдсан мэдээлэл: 5-р сар 2018

     Эрдэнэт үйлдвэр ХХК-ийн 40 жилийн ойн хүрээнд өнөөдөр “Хангарьд” паласт “1000 ахмадын чуулга" уулзалт эхэллээ. Үйлдвэрийн Ерөнхий захирлын ивээл дор уламжлал болгон зохион байгуулдаг тус уулзалтад “Эрдэнэт” үйлдвэрийн 2146 ахмадыг төлөөлөн 1000 ахмад, тэдний дотор үйлдвэрийн анхдагч 442 хүн оролцож байна. Өнөөдрийн танхимд хамгийн өндөр настай нь 91 настай, “Эрдэнэт” үйлдвэрийн анхдагч, Цогтын Балам гуай байлаа. 
     2015 онд зохион байгуулсан 1000 ахмадын чуулганы шийдвэрээр, Ерөнхий захирлын тушаал гарч Ахмадын нэгдсэн зөвлөл, “Уурхайчин” соёлын ордон, Спортын ордон, “Эрдэнэт” сувиллын цогцолбортой хамтын ажиллагааны гэрээ байгуулж, ахмадууддаа үнэ төлбөргүй хамруулж байсан юм. Энэ удаагийн чуулганаар, ахмадуудын дунд урьдчилсан явуулсан санал асуулгын дүнг хэлэлцэнэ. Өнөөдрийн чуулганд Ахмадын нэгдсэн зөвлөлийн дарга Д.Байгал Зөвлөлийн 2016-2017 оны ажлын тайланг танилцуулж, үйлдвэрийн удирдлагууд ахмадуудын нийгмийн хамгааллын бодлого, цаашид авах арга хэмжээ, үйлдвэрлэлийн төлөвлөгөөт үзүүлэлт, техникийн шинэчлэлийн талаар танилцуулах юм.  


У.Цэрэнбат

 

     2017-2018 оны хичээлийн жилийн улсын төрөлжсөн химийн 29-р олимпиадыг Орхон аймгийн Засаг даргын ивээл дор, Ш.Отгонбилэгийн нэрэмжит Технологийн сургууль, Боловсрол, соёл урлагийн газар, 5-р сургууль хамтран 2018 оны тавдугаар сарын 18-20-ны өдөр Орхон аймагт зохион байгуулсан. Үүнд аймаг, дүүргийн шилдэг 34 сурагч, 34 багш оролцов. Сурагчийн төрөлд Орхон аймгаа төлөөлөн оролцсон Технологийн сургуулийн Ахлах сургуулийн 12-р ангийн сурагч С.Сувданчимэг тэргүүн байр эзэлж диплом, алтан медаль, мөнгөн шагналаар, Т.Цэлмэг тусгай байранд орж диплом, мөнгөн шагналаар тус тус шагнууллаа. Энэ хүүхдүүдийг “Эрдэнэт”-ийн тодотголтой, Монгол Улсын гавьяат багш С.Мэнджаргал бэлтгэн олимпиадад оролцсон юм.



 

     Энэ жилийн “Эрдэнэтийн бал-2018” бүжгийн наадам Эрдэнэт үйлдвэр ХХК-ийн 40 жилийн ойд зориулснаараа онцлог байлаа. Тус наадамд 4-80 насны, 34 хамтлагийн 800-аад бүжигчин оролцож, “Эрдэнэт” үйлдвэрийн бүтээн байгуулалтын түүхтэй холбоотой зохиомжит бүжгийн төрлөөр өрсөлдсөн.
     “Эрдэнэтийн бал-2018” бүжгийн 29-р наадмын “Ажилчин залуус”, “Ажилчин-ахмад” насны ангилалд “Эрдэнэт” үйлдвэрийн Баяжуулах үйлдвэр, Засвар механикийн завод, Холбоо мэдээллийн технологи ба автоматжуулалтын цех, Спорт ордон, Ган бөмбөлгийн цех, Үйлчилгээ аж ахуйн алба, Засвар угсралтын цех, Хувьцлагдаагүй орон сууцны хэсэг, Орос сургууль, цэцэрлэг, Барилга засварын цех, “Уурхайчин” соёлын ордон, “Сэлэнгэ” амралтын бааз, Тээвэр ложистикийн алба, Геологи хайгуулын анги, Технологийн сургууль зэрэг 17 цех, нэгж оролцсон. Тус наадмын “Фермейшн” төрлийн “Ажилчин залуус” насны ангилалд Засвар механикийн заводын “Залуус” хамтлаг тэргүүн байр эзэлж, “Эрдэнэт” үйлдвэрийн 40 жилийн ойн нэрэмжит цомоор шагнууллаа. “Үндэсний цэнгээнт” төрөлд Холбоо мэдээллийн технологи ба автоматжуулалтын цехийн “Цахим” хамтлаг Гран-при цом, тэргүүн байрыг эзэлсэн бол хоёрдугаар байранд ҮААлба, Геологи хайгуулын анги, Засвар угсралтын цех, “Сэлэнгэ” амралтын баазын хамтарсан “Дөрвөн зүг” хамтлаг орж, Спорт ордон, “Уурхайчин” соёлын ордон, Тээвэр ложистикийн алба, Ган бөмбөлгийн цех, “РСЦ” ХХК-ийн хамтарсан “Таван цул” хамтлаг удаалсан байна. Мөн энэ үеэр “Эрдэнэт” үйлдвэрийн Олон нийттэй харилцах албаны сэтгүүлч Э.Мөнх-Уянга наадмын Шилдэг сэтгүүлчээр шалгарч, зураглаач Б.Тунгалагийг Монголын соёлын түшиг холбооны “Соёлын алдар” медалиар шагнав.

Мэдээний төрөл

Календарь

« 5-р сар 2018 »
Да Мя Лх Пү Ба Бя Ня
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      

Зургийн цомог