Боловсрол

     Эрдэнэт үйлдвэрийн Эмэгтэйчүүдийн холбооноос ажлаа хийж байгаа, 0-3 хүртэлх насны хүүхэдтэй уурхайчин эхчүүдэд хүүхдээ товлолт вакцин, эмчийн үзлэг шинжилгээнд хамруулах, хөгжлийн бэрхшээлтэй хүүхэдтэй эмэгтэйчүүдэд эмнэлэг, хөдөлмөрийн магадлах комиссын хурлаар орох, хүүхдээ эмчлүүлэхэд нь зориулж жилд хоёр өдрийн цалинтай чөлөө олгох санаачилга гаргасныг Ерөнхий захирал тэдний хүсэлт ёсоор шийдвэрлэжээ. Үүнийг өнгөрсөн сарын 26-ны өдөр батлагдсан "Эрдэнэт үйлдвэр" ТӨҮГ-ын Хөдөлмөрийн дотоод журмын 6.10 дахь заалтаар баталгаажуулав. Эх, хүүхдийн эрүүл мэндийн төлөө "ЗА" гэж хэлсэн Эрдэнэт үйлдвэрийн удирдлагад уурхайчин эмэгтэйчүүд талархаж буйгаа цахим орчинд илэрхийлсээр байна.

М.ОД
Фото: Б.БАТТӨГС

Даваа, 06 5-р сар 2019 00:00

Техникийн шинэчлэл хийж байна

     Техник технологийн шинэчлэлийн хүрээнд Баяжуулах үйлдвэрийн Дулаан агааржуулалтын хэсэгт энэ онд томоохон гурван тоног төхөөрөмж суурилуулах бэлтгэлээ хангаж байна. Францын Continental industrie фирмийн минутад 700 м3 агаар үлээх хүчин чадалтай хийн үлээгүүрийн машин, Германы Atlas Copco фирмийн минутад 170 м3 агаар шахах хүчин чадалтай ZH-800/6 компрессор суурилуулах юм. Энэхүү бүрэн автомат удирдлагатай, цахилгаан эрчим хүчний хэмнэлттэй тоног төхөөрөмжийг суурилуулснаар технологийн процессийн найдвартай ажиллагаа сайжирч, зардал хэмнэнэ. Мөн Баяжуулах үйлдвэрийн азотын станцад Atlas Copco фирмийн ZR-750 маркийн компрессор суурилуулна. Энэхүү дэвшилтэт компрессор нь молибдений металл авалт сайжрахад ихээхэн нөлөө үзүүлэх аж. Дээрх тоног төхөөрөмжүүдийг зургадугаар сарын 10 гэхэд угсарч дуусах төлөвлөгөөтэй ажиллаж байна.

Я.ТУЯА
Фото: Б.БАТТӨГС

     Энэ сарын нэгнээс үйлдвэрийн ажилчдын үндсэн болон тарифт цалинг 10 хувиар нэмэх тухай “Эрдэнэт үйлдвэр” ТӨҮГ-ын Ерөнхий захирлын А/310 тоот тушаал гарлаа. Эрдэнэт үйлдвэрийн захиргаа, Үйлдвэрчний эвлэлийн холбоотой хамтран ажиллах гэрээний 3.4 дэх заалтыг үндэслэн  үйлдвэрийн нийт ажилчдын цалинг ийнхүү 10 хувиар нэмлээ. Ажилчдын цалин нэмсэнтэй холбогдуулан цалингийн нэгдсэн сүлжээг шинэчилнэ. Мөн үйлдвэрийн газрын бүтэц өөрчлөгдсөнтэй холбогдуулан Улаанбаатар, Москва, Бээжин дэх Төлөөлөгчийн газрын ажилтнуудын ажлын ачаалал, үр дүн, хариуцлагатай уялдуулан цалингийн хэмжээг тогтоон батлах аж.

Ч.БАТ
Фото: Б.БАТТӨГС

 

Мэдээний төрөл

Календарь

« 5-р сар 2019 »
Да Мя Лх Пү Ба Бя Ня
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Зургийн цомог