×

Анхааруулга

JUser: :_load: Unable to load user with ID: 927

Хөгжлийн түүчээ

Хөгжлийн түүчээ (54)

Эрдэнэт үйлдвэр ХХК, Орхон аймгийн Засаг даргын тамгын газрын байгаль орчны хамтын ажиллагааны хүрээнд Монгол улсын Засгийн газраас баталсан “Цагаан тоос бууруулах” хөтөлбөрийг орон нутагтаа хэрэгжүүлдэг. Энэ хөтөлбөрийн хугацаа дууссан ч хамтын ажиллагаа үргэлжлэн, өнөөдөр цагаан тоостой бүс нутагт 35-аас дээш жил амьдарсан иргэдийг шинжилгээнд хамрууллаа. Энэхүү шинжилгээг орчин үеийн тоног төхөөрөмж бүхий “Эрдэнэт” үйлдвэрийн хөрөнгө оруулалтаар баригдсан “Медипас” эмнэлгийн эмч нар хийж, тэдэнд зөвлөгөө өгсөн. Компьютер томограф, уушигны нарийн шинжилгээнд хамрагдсан 35 иргэн тус бүр 185 мянган төгрөгийн үнэ төлбөргүй эрүүл мэндийн үйлчилгээнд хамрагдлаа. Цаашид цагаан тоостой бүс нутагт амьдардаг 3700 гаруй иргэдээс дахин 270 гаруй хүнийг нарийн мэргэжлийн шинжилгээнд хамруулж, эрүүл мэндийн тусламж үйлчилгээ үзүүлэхэд хамтын ажиллагаа үргэлжилнэ гэж Орхон аймгийн ЗДТГ-ын мэргэжилтэн онцолсон.

 

У.Цэрэн

 

      Ардын урлагийн мөн чанар  

      Хүмүүнлэг технологийг боловсруулах үндэс нь ард түмний үндэсний соёлын үйл ажиллагааны цогц нийлбэр, тухайн ард түмнийг тодорхойлж таниулах эх сурвалж болсон биет бус соёлын өв юм. Хүний бүтээлч үйл ажиллагааны түгээмэл хэлбэр бол ардын урлагийн бүтээл бөгөөд төрөл бүрийн насны хүүхэд залуучууд, насанд хүрэгсэд оролцоно. Ардын уран бүтээлийн өвөрмөц үйл ажиллагаа нь биет бус соёлын өвийг эзэмших, сурах , түгээн дэлгэрүүлэх, сурталчлахад чиглэгдсэн мэргэжлийн бус бүтээлч үйл ажиллагаа гэж тодорхойлж болно.

       Энэхүү өвөрмөц үйл ажиллагаа нь нийгмийн эерэг туршлагыг эзэмших замаар бие хүний нийгэмшилтэд түлхэц өгч, уран сайханчид, хамт олон улмаар тэдний гэр бүлийн төлөө тогтвортой эрмэлзэл тэмүүллийг бүрэлдүүлэн бий болгодог.

“Эрдэнэт Хурд-2018”  даншигт 1000 ардын авьяастан оролцжээ

       Орхон аймагт болсон “Эрдэнэт Хурд-2018” даншиг наадмын хүрээнд Эрдэнэт үйлдвэрийн “Уурхайчин”  соёлын ордны Соёл чөлөөт цагийн секторын хамт олон “Монголын үндэсний уламжлалт өв соёл” бага наадмыг зохион байгуулав.            Бага наадамд нийт 1000 гаруй ардын авьяастнууд оролцож, “Дэмбээ-2018”, “Хурдан хүлэг” дууны уралдаан, Морь бөх цоллоочдын уралдаан, “32 цагаан лонх тоолох” уралдаан, Сайхан, ижил зүстэй морьд шалгаруулах уралдаан зэрэг долоон хэлбэрийн уралдаан тэмцээнийг зохион байгуулж, наадамчид авьяас билэгээ сорьсон байна. "Монголын үндэсний уламжлалт өв соёл" бага наадмыг нийт 5000 орчим Эрдэнэтчүүд үзэж  сонирхжээ.

 

Угсаатан зүйн урлаг

      Ардын урлаг нь анх үүсч хөгжихдөө урлагийн бүтээл байгаагүй хүний оюун ухаанд шингэсэн эдийн соёлын хүрээнд бүрэлдэж тогтсон гэж үздэг. Энд ардын авъяастан, билиг зүйчид, уран дархчууд, уран үйлчид зэрэг оюун санаа, ур дүй төгс цогцолсон хүмүүсийн гүйцэтгэж ирсэн үүрэг онцгой юмаа. Тухайлбал: Үндэсний гутал хувцас, өмсгөл, зүүлт, малчин ардын гэрийн эдлэл хэрэглэл, эд зүйлс, тоног төхөөрөмж, багаж хэрэгсэл, монгол түмний шашин шүтлэг, эрдэм боловсрол, судар ном, тоглоом наадгай, хөгжмийн зэмсгүүд багтана. Эдгээр нь ур дүй ихээр шаарддаг үйл ажиллагаа юм. Өнөө цагт зарим угсаатнуудын уламжлалт урлагийн төрлүүд нийлж, саармагжих, язгуур урлагийг хэлбэр төдий үзэх, хадгалалт хамгаалалт алдагдах, хэт орчин үеийн төрөлтэй холилдож саармагжих, үндэстэн ястны бий биелгээний хөдөлгөөн, хөг аялгуу ялгагдахгүй байх зэрэг үйл явц их ажиглагдаж байна.

 

 

Үндэсний  өв соёл,  аман цэц билгийн наадам

       Монголчуудын биет бус өв, аман цэц билгийн эх сурвалж нь Монголын нууц товчооны гайхамшигт бүтээлүүд, ойрдууд, халх монголчуудад хамгийн сайн уламжлагдан ирсэн гэж түүхчид үздэг. Ойрдын туульсд 20 000 гаруй туульс, яруу найраг багтдаг бөгөөд цээжний аугаа их чадлыг шаардаж, аялгуундаа морины янцгаах, талын салхи, хөг аялгууг гарган эгшиглүүлдэг билээ.

       Ардын уламжлалт биет бус соёлын өвийн төрлүүд нь хүний хэрэгцээ шаадлага, хүндэтгэл, хоорондын харилцаа, хүмүүжил-төлөвшлийг хангаж, хүмүүний авъяас чадварыг нээх, хөгжүүлэх амжилтад хүргэх суурь нь болдог.

Цом гардуулах үйл ажиллагаа

"Уурхайчин" соёлын ордны соёл,

чөлөөт цагийн секторын эрхлэгч

МУСТА Д.ГАНЧУЛУУН (Ph.d)

       Монголын Сэтгүүлчдийн нэгдсэн эвлэлийн Орхон аймаг дахь салбар, “Монголын зэс” корпорацийн хамтын ажиллагааны хүрээнд өнөөдөр аймгийн хэвлэл мэдээллийн ажилтнуудын болон Эрдэнэтийн 41 хүүхэд ОХУ-ын Буриадын Байгаль далайн эрэг дэх “Байгальские Волны” олон улсын зусланд амрахаар хөдөллөө.  Тус корпораци 1000 хүүхдийг зусланд амраах” төсөл хэрэгжүүлж эхэлсэн юм. Энэхүү төсөлд хамрагдсан эхний ээлжийн хүүхдүүд зуслангаа зорив.

     “Эрдэнэт хурд-2018” төвийн бүсийн хурдан морины уралдаан, даншиг наадамд улс, аймгийн алдарт цолтой 128 бөх барилдсанаас Сэлэнгэ аймгийн Мандал сумын харъяат, “Увс нуур” дэвжээ, “Сүлд” спорт хорооны бөх Улсын заан Нэгдэлийн Жаргалбаяр түрүүлж, Ховд аймгийн Зэрэг сумын харъяат “Монтел” констракшн, “Алдар” спорт хорооны бөх, Улсын харцага Баярхүүгийн Бат-Өлзий үзүүрлэж, Говь-Алтай аймгийн Цээл сумын харьяат “Хантайшир” дэвжээний бөх, Монгол улсын Гарьд Жанцангийн Бат-Эрдэнэ, Орхон аймгийн Баян-Өндөр сумын харъяат, “Хонгор нутаг” дэвжээ, “Алдар” спорт хороо, “Эрин” группын бөх аймгийн Хурц арслан Болдын Эрдэнэхүү нар шөвгөрөв. “Эрдэнэт хурд-2018” төвийн бүсийн хурдан морины уралдаан, даншиг наадмын үндэсний бөхийн барилдаанд түрүүлсэн Улсын заан Н.Жаргалбаярын аав болох Монгол улсын начин Довчингийн Нэгдэл нь тухайн үедээ Эрдэнэт хотын наадамд гурван удаа түрүүлж байсан түүхтэй. 

     Азарганы уралдаанд нутаг нутгийн 80 гаруй хурдан азарга 22 километрийн зайд уралдсанаас Дорнод аймгийн Цагаан-Овоо сумын харъяат Монгол улсын алдарт уяач  Түвдэнжаажидын Батзоригийн цавьдар азарга түрүүлж, Төв аймгийн Баян сумын уугуул, Монгол улсын алдарт уяач Э.Анарын бор халзан азарга аман хүзүүдэж унасан хүүхэд, уясан эзэн, хурсан олон наадамчдаа баясгалаа. Харин адуу адууны эрмэг нь болсон Соёолон насны морьдын уралдаанд Завхан аймгийн Тосонцэнгэл сумын уугуул, Монгол улсын тод манлай уяач Төмөрбаатарын Галбадрахын хонгор халзан соёлон түрүүлж, Завхан аймгийн Завханмандал сумын уугуул, аймгийн алдарт уяач Цэрэндоржийн Мөнххуягийн цавьдар соёолон аман хүзүүдлээ. Их насны морьдын уралдаанд эх орны дөрвөн зүг, найман зовхисоос цугласан шигшмэл хурдан хүлгүүд тоосоо өргөж Төв аймгийн Батсүмбэр сумын уяач Б.Саянсанаагийн хээр морь түрүүлж, Орхон аймгийн Баян-Өндөр сумын “Эрдэнэт хурд” гал, аймгийн алдарт уяач Л.Отгонтэнгэрийн бор морь аман хүзүүдэв. Хязаалан насны морьдын уралдаан Хүрэн шандын хөндийд тоосоо өргөхөд Төв аймгийн Баян сумын уугуул Б.Нямжавын хээр үрээ түрүүлж, Улаанбаатар хотын харъяат, уяач Т.Энхмөнхийн хар үрээ аман хүзүүдлээ. Шүдлэн насны морьдын уралдаанд Төв аймгийн Алтанбулаг сумын уугуул, аймгийн алдарт уяач  Б.Ганзоригийн хээр үрээ түрүүлж, Архангай аймгийн Эрдэнэбулган сумын уугуул Н.Мөнхбатын цавьдар шүдлэн удааллаа. Хурдан дааганы уралдаанд Өмнөговь аймгийн Хүрмэн сумын уугуул, Уулын баяжуулах “Эрдэнэт үйлдвэр” ХХК-ийн захирал, Монгол улсын алдарт уяач, Хоохорын Бадамсүрэнгийн хээр даага түрүүлэн ирж уясан эзэн, унасан хүүхэд, хурсан олноо баярлууллаа. Үндэсний сурын эрэгтэй харваанд Хангарьд спорт злубын харваач, Монгол улсын Үндэсний сурын дархан мэргэн Шагжсүрэнгийн Даваахүү 39 оноотой тэргүүлж, “Хангарьд” спорт клубын харваач, даяар дуурсах мэргэн Лхамжавын Отгонбаяр дэд байрыг эзлэв. Үндэсний сурын эмэгтэй харваанд Өвөрхангай аймгийн Нарийнтээл сумын уугуул, “Мон-Дэ” компанийн харваач, Монгол улсын мэргэн Бадам-Очирын Пунсалдулам түрүүлж, “Хангарьд” клубын харваач Эрдэнэбатын Заяа удааллаа.

             

Фото: Б.Баттөгс

 

           

 

                                         Эрдэнэт үйлдвэр ХХК-ийн 40 жилийн ойн нэрэмжит “Эрдэнэт хурд-2018” төвийн бүсийн хурдан морьдын даншиг наадамд үйлдвэрийн гадны түнш байгууллагуудын төлөөлөл оролцсон. “Уурхайчин” соёлын ордны дэргэдэх дуу бүжгийн “Эрдэнэт” чуулгын уран бүтээлчид “Сэлэнгэ” амралтын баазад “Монголын нэг өдөр” урлагийн тоглолтоор бэлэг барьсан. Тэд Монголчуудын нүүдэлчин амьдралын хэв маяг, соёлыг харуулсан энэхүү тоглолтоор дамжуулан гадны зочид төлөөлөгчдөд эх орноо сурталчилав. “Монголын нэг өдөр” өдөрлөг бүхэлдээ алдарт зураач Марзан Шаравын Монголын нэг өдөр зурагт дүрсэлсэн нүүдэлчдийн амьдрал, аж төрөх бүхий л зан үйлийг бүгдийг нь багтаасан байлаа. Тус тоглолтыг “Уурхайчин” соёлын ордны уран сайхны удирдаач Д.Одончимэг найруулсан юм. Энэ үеэр зочдын анхаарлыг хоёр зуун жилийн тэртээд өвөг дээдсийн маань амьдарч, аж төрч байсан монгол гэр татаж байлаа. Эсгий туурга, унь, хана, гэрийн доторх эд агуурс бүгдийг Өмнөговь аймгийн Цогтцэций сумын малчин айл хадгалж байжээ. Нүүдлийн ахуйн амьдралын том өв соёлыг харуулсан энэ гэрийг “Сэлэнгэ” амралтын баазын захирал И.Жаргалсайхан Өмнөговь аймгаас авчирсан байна. Өөр хаана ч байхгүй энэ ховор дурсгалт гэрийг Эрдэнэт үйлдвэр ХХК-д иж бүрнээр нь үлдээн хадгалахаар боллоо. Түүхт ойдоо зориулан зохион байгуулж байгаа үйл ажиллагааны нэг нь Эрдэнэт үйлдвэр ХХК-ийн нэрэмжит Төвийн бүсийн хурдан морьдын “Эрдэнэт хурд-2018” даншиг наадам юм. Тус наадмыг Монгол улсын Засгийн газар, Орхон аймгийн Засаг даргын тамгын газартай хамтран зохион байгуулсан бөгөөд “Эрдэнэт” үйлдвэртэй хамтран ажилладаг ОХУ, Канад, Хятад зэрэг орны 10 гаруй байгууллагын түншүүдтэйгээ баяраа тэмдэглэж, гадаад харилцаагаа өргөжүүлэн, ажил хэрэгч уулзалтыг ч зэрэгцүүлсэн юм. Хүндтэй зочдын нэг нь Эрдэнэт үйлдвэр ХХК-ийн Ерөнхий захирлын нэгдүгээр орлогч захирал асан Борис Алексеевич Кутлин байлаа. Гадаадын зочдын дунд Монгол оронд анх удаа ирсэн нь ч цөөнгүй байв. Эрдэнэт үйлдвэр ХХК-ийн 40 жилийн ойн нэрэмжит наадам, гадны зочиддоо бэлэг барьсан “Монголын нэг өдөр” өдөрлөг тэдний сэтгэлийг хөдөлгөж, Монгол оронд айлчлан ирсэндээ баяртай байгаагаа компанийн удирдлагуудад хэлж байлаа.  

У.Цэрэнбат

Фото: Б.Баттөгс

 

 

          Ардын хувьсгалын 97 жилийн ой, Үндэсний их баяр наадам, Эрдэнэт үйлдвэр ХХК-ийн 40 жилийн ойг тохиолдуулан Монгол улсын Ерөнхийлөгчийн зарлигаар Эрдэнэт үйлдвэр ХХК-ийн Ил уурхайн Өрөмдлөг тэсэлгээний хэсгийн өрмийн машинч Б.Батбаярыг Монгол улсын Хөдөлмөрийн баатар цолоор, Эрдэнэт үйлдвэрийн анхдагч, Геологи хайгуулын ангийн ахмад ажилтан, Төрийн соёрхолт  Г.Сандуйжав, Баяжуулах үйлдвэрийн Засварын хэсгийн тоног төхөөрөмжийн засварчин Э.Доржболд, Авто тээврийн байгууллагын Уулын технологийн тээврийн хэсгийн дарга Д.Чадраабал нарыг Аж үйлдвэрийн гавьяат ажилтан цолоор тус тус шагнасан юм. Хөдөлмөрийн баатар, гавьяатуудаа Орхон аймаг болон Эрдэнэт үйлдвэр ХХК-ийн удирдлагууд, хамт олон нь хүндэтгэлтэйгээр угтаж, баяр, талархлаа илэрхийллээ.

Э.Мөнх-Уянга

        Ардын хувьсгалын 97 жилийн ой, Үндэсний их баяр наадам, Эрдэнэт үйлдвэр ХХК-ийн 40 жилийн ойг тохиолдуулан Монгол улсын Ерөнхийлөгчийн зарлигаар тус үйлдвэрийн ажилтан, уурхайчдыг төрийн дээд одон, медаль гардуулах ёслол өнөөдөр захиргааны 2 дугаар байрны "Оюу" танхимд боллоо.
        Эрдэнэт үйлдвэрийн хөдөлмөрийн сайчуудад төрийн дээд шагнал гардуулахын өмнө Ерөнхий захирал Х.Бадамсүрэн түүхт 40 жилийн ойтойгоо золгож буй Эрдэнэт үйлдвэрээс Хүдрийн ил уурхайн Өрөмдлөг тэсэлгээний хэсгийн өрмийн машинч Б.Батбаярыг  Монгол улсын Хөдөлмөрийн баатар цолоор, Эрдэнэт үйлдвэрийн анхдагч, Геологи хайгуулын ангийн ахмад ажилтан, Төрийн соёрхолт  Г.Сандуйжав, Баяжуулах үйлдвэрийн Засварын хэсгийн тоног төхөөрөмжийн засварчин Э.Доржболд, Авто тээврийн байгууллагын Уулын технологийн тээврийн хэсгийн дарга Д.Чадраабал нарыг Аж үйлдвэрийн гавьяат ажилтан цолоор тус тус шагнасныг баяртайгаар дуулгасан. Шинэ хөдөлмөрийн баатар, гавьяатуудад шагналыг энэ сарын 9-ний өдөр төрийн ордонд гардуулах аж. 
        Тэгвэл үндэсний их баяр наадмын босгон дээр Эрдэнэт үйлдвэр ХХК-д олон жил үр бүтээлтэй ажиллаж, Монгол улсын хөгжил цэцэглэлт, Эрдэнэт үйлдвэрийн үр ашгийг дээшлүүлэх, улс, орон нутгийн өмнө хүлээсэн үүргээ амжилттай биелүүлэхэд их хувь нэмэр оруулж, хүндтэй гавьяа байгуулсан хөдөлмөрийн сайчууд, ахмад уурхайчдад Орхон аймгийн ИТХТ-ийн дарга П.Пүрэвлхагва, Засаг дарга бөгөөд Эрдэнэт хотын захирагч Д.Батлут, Эрдэнэт үйлдвэр ХХК-ийн Ерөнхий захирал Х.Бадамсүрэн нар Төрийн дээд одон медаль гардуулж, баяр хүргэв.
       Монгол Улсын Ерөнхийлөгчийн зарлигаар Эрдэнэт үйлдвэр ХХК-ийн Техникийн хэлтсийн орлогч дарга В.Өлзийхутаг, Ил уурхайн гагнуурчин Н.Чулуунгэрэл , Авто тээврийн байгууллагын ахмад ажилтан Ё.Машбат, Баяжуулах үйлдвэрийн хэсгийн дарга Л.Баяраа нарын 10 хүнийг  Хөдөлмөрийн Гавьяаны Улаан Тугийн одонгоор, Ил уурхайн автогрейдерийн машинч В.Тавхай, Автотээврийн байгууллагын Тэргүүлэх  эрчим зүйч А.Батдорж, Баяжуулах үйлдвэрийн Мэдээлэл хамгааллын тэргүүлэх инженер Д.Амаржаргал, Засвар механикийн заводын Тоног төхөөрөмжийн засварчин С.Чулуунбаатар, Тээвэр ложистикийн албаны Ахмад ажилтан Х.Дармаа, Дулааны станцын дарга Г.Мөнх-Эрдэнэ нарын 70 хүнийг Алтан гадас одонгоор,  Ил уурхайн Эдийн засгийн албаны дарга Д.Сувд-Эрдэнэ, Авто тээврийн байгууллагын жолооч  Ц.Чүлтэмсүрэн, Баяжуулах үйлдвэрийн засварчин Р.Даваажав, Дулааны цахилгаан станцын Зуухны хэсгийн дарга Э.Эрдэнэбаяр, Хууль эрхзүйн газрын Тэргүүлэх хуульч Ж.Отгонбаяр нарын 39 хүнийг Хөдөлмөрийн хүндэт медалиар шагнасныг хүндэтгэлтэйгээр гардуулж, цаашдын ажил хөдөлмөрт өндөр амжилт хүслээ. Ийнхүү хэдхэн хоногийн өмнө Д.Сүхбаатарын одонгоор шагнагдсан 40 жилийн түүхтэй, зууны манлай Эрдэнэт үйлдвэрийн баялаг бүтээгч хамт олон зургаа дахь хөдөлмөрийн баатраа өлгийдөж, гавьяат цолтны эгнээг гурван эрхмээр нэмлээ.   

 

 


 

Үндэсний их баяр, Ардын хувьсгалын түүхт ойг угтан эрийн гурван наадмын бэлтгэлд гараад буй  бөхчүүд, үндэсний сурын харваачдаа Эрдэнэт үйлдвэрийн удирдлагууд эргэж, амжилт ерөөдөг уламжлалтай.  Уламжлал ёсоор тус үйлдвэрийн Санхүү, эдийн засгийн асуудал эрхэлсэн дэд захирал Ж.Эрдэнэбилэг удирдлагын багаа төлөөлөн, Цуврайн аманд бэлтгэл хийж буй харваачид болон бөхийн галаар зочиллоо. Тэрээр харваачид , бөхчүүдийн сорилго барилдаан, сургуулилтыг үзэж сонирхон бэлтгэл сургуулилалт сайн хангагдаж буйг онцоллоо. Түүнчлэн манай харваачид цэцтэй, бөхчүүд бяртай, өнгөтэй байна гээд үлдсэн хугацаанд бэлтгэлээ улам чамбай хийж, улс болон аймгийн наадамд цол зэргээ ахиулан амжилттай оролцохыг ерөөсөн.   

Энэ жил Цуврайн аманд улс болон Орхон аймгийн наадамд оролцохоор Эрдэнэт үйлдвэрийн ажилтнуудаас бүрдсэн нийт 12 үндэсний сурын харваачид бэлтгэлд гарчээ. Монгол улсын дархан мэргэн, даяар дуурсах мэргэн цолтон тус бүр нэг, улсын мэргэн хоёр, гоц мэргэн харваач нэг болон спортын мастер, аймгийн мэргэчүүл  энэ удаагийн үндэсний сурын харваачдын багийг бүрдүүлж байна. Харин Хангарьд спорт клуб болон Орхон аймгийн хамтарсан дараагийн гал нь 20 хүний бүрэлдэхүүнтэй Мажаа амралтад бэлтгэл сургуулилтаа базааж буй аж. Өөрөөр хэлбэл, энэ жилийн наадамд 40 гаруй эрхий мэргэн харваачид оролцож, цэц мэргэнээ сорихоор бэлдэж байна.

Тэгвэл Эрдэнэт үйлдвэрийн бөхчүүд өнгөрсөн сарын 20-ноос эхлэн бэлтгэлдээ гарч, эр бяр жигдэрчээ. Улсын наадамд барилдахаар Монгол улсын начин Э.Энхбат нарын 3 бөх бэлтгэл хийж байгаа бол аймгийн арслан Т.Чулуунгэрэл тэргүүтэй 21 бөх Цуврайн аманд бэлтгэлд гарсан байна. Бэлтгэл сургуулилт сайн, тамирчдын байр, хоол хүнсний хангамж чанартай байгаа нь  бэлтгэлд эерэгээр нөлөөлж буйг дасгалжуулагчид онцоллоо.  

 

 

    Монголын сэтгүүлчдийн Нэгдсэн эвлэлийн Орхон аймаг дахь салбарын Удирдах зөвлөлийн гишүүд өнөөдөр 10 хүүхдэд ОХУ-д хүүхдийн зусланд аврах эрхийн бичиг гардуулав. Орхон аймгийн арван сэтгүүлчийн хүүхдүүдийг Байгаль далайн эрэгт “Байкальские волны” зусланд амрах зардлыг “Эрдэнэт” үйлдвэрийн 49 хувийг эзэмшдэг “Монголын зэс” корпораци санхүүжүүлж байгаа юм.

 

     Эрдэнэт үйлдвэрийн 40 жилийн ойд зориулан Спорт ордны хамт олон Хангарьд паласын өмнөх теннисний талбайг засварлаж, шинээр тохижуулжээ. Шинэ талбайн теннисний талбайг нээсэнтэй холбогдуулан тус ордноос “Теннис тоглох уу?” сарын аяныг Эрдэнэтчүүдийн дунд  өрнүүлээд байна. Сарын аян 7 дугаар сарын 3-наас 8 дугаар сарын 3-ныг хүртэл үргэлжлэх бөгөөд энэ нь тус ордноос үйлдвэрийн ажиллагсдын спортын боловсрол, эрүүл мэнд, хөдөлгөөн,бие бялдрын чийрэгжүүлэлт, хөгжилд анхаарч буй ээлжит үйл ажиллагаа юм. Талбайн теннисний талбайг нээсэн нь зөвхөн Эрдэнэт үйлдвэрийн ажиллагсад төдийгүй хотын иргэд, хүүхэд залуучууд уг спортоор хичээллэх, зуны амралтаа үр өгөөжтэй өнгөрүүлэх боломжийг бүрдүүлж байна. Аяныг Макс групптай хамтран зохион байгуулж байгаа аж.
     Тус талбай нь хиймэл зүлэг бүхий 4 талбайгаас бүрджээ. Энд талбайн теннис болон софт теннис тоглох боломжтой бөгөөд 18 цагаас хойш үйлдвэрийн ажилчдад нээлттэй юм.  Харин 6-12 насны хүүхдүүдийг сургалтанд үнэ төлбөргүй хамруулж, залуучууд насанд хүрэгчдийн хөтөлбөр өдөр болон оройн цагаар хичээллэх ажээ. Талбайн теннисний хичээлийг Монголын талбайн теннисний холбооны ахлах дасгалжуулагч Р.Эрдэнэбат зааж, тус спортыг Орхон аймагт хөгжүүлэхэд хувь тнэмрээ оруулж байна.
     Монгол улсад талбайн теннисний спорт нь 1990 оноос үүсэн хөгжиж эхэлсэн бол Монголын талбайн теннисний холбоо 1991 онд байгуулагджээ. Тэр цагаас хойш  тус холбоо нь идэвхитэй үйл ажиллагаагаа явуулж, тамирчдаа бэлтгэн дотоод болон Олон Улсын тэмцээнд амжилттай оролцуулсаар байна.

 

Эрдэнэт үйлдвэр ХХК-ийн

Олон нийттэй харилцах албаны цахим хуудас

           

 

 

Зургийн цомог