“Эрдэнэт” үйлдвэр сүүлийн жилүүдэд томоохон хоёр төсөлд хөрөнгө оруулж байна. Үүний нэг нь олон улсын оношилгоо эмчилгээний “Эрдэнэт медикал” төв, нөгөө нь “Эрдэнэт” үйлдвэрийн хүчин чадлыг нэмэгдүүлэх Баяжуулах фабрикийн Өөрөө нунтаглах хэсгийн өргөтгөл юм. “Эрдэнэт медикал” төвийн барилга байгууламж, төнөг төхөөрөмжийг ашиглалтанд бүрэн хүлээн авсан бол өнөөдрийн байдлаар Өөрөө нунтаглах хэсгийн өргөтгөлийн барилгын ажил 90 орчим хувьтай явна. “Эрдэнэт” үйлдвэрийн хүдэр боловсруулалтыг нэмэгдүүлэх энэ төслийг ирэх тавдугаар сард дуусгахаар өвлийн улиралд ч ажил ид өрнөж байна.
Дэлхийн зах зээлд зэсийн үнэ тасралтгүй унаж байгаа нь “Эрдэнэт” үйлдвэрийг эдийн засгийн томоохон сорилтонд орууллаа. Эдийн засгийн хямралын эсрэг арга хэмжээний төлөвлөгөөг тус компани хэрэгжүүлж эхэлсэн ч үйлдвэрийн үр ашгийг нэмэгдүүлэх Өөрөө нунтаглах хэсгийн өргөтгөлийг хугацаанд нь ашиглалтанд оруулна гэж “Эрдэнэт” үйлдвэрийн Ерөнхий захирал Ц.Даваацэрэн хэлэв. Өөрөө нунтаглах хэсгийн өргөтгөл ашиглалтанд орсноор хүдэр боловсруулалт 6 сая тонноор нэмэгдэх юм.
Нар минутад мандаж минутад жаргана.
Үс засуулвал: 
Суудал: 
